Susto txikia izan dute gaur eguerdi partean Bizkaia kaleko bizilagunek; izan ere, sutea piztu da bertako etxebizitza bateko balkoian. Nolanahi ere, kearen ikusgarritasunaz harago ez da ezer larririk gertatu Zarauzko Udaltzaingoak berretsi duenez.
Ertzaintzak, bere aldetik, jakinarazi du 13:25ean jaso dutela abisua eta suhiltzaileekin batera anbulantzia ere bertaratu da badaezpada. Sua balkoian soilik piztu dela frogatu dute eta berehala lortu dute itzaltzea. Gainera, etxean ez zegoen inor.
