Biolurrek Amillubi Lurra Taupaka proiektu berria abiatu du, Zestoako Iraeta auzoko Amillubi baserria eta bere lur eta basoak erosteko urratsak modu kolektiboan eginda. Egitasmo berriarekin "lurra ondasun kolektibo bilakatzea" du helburu Biolurrek. Amillubi baserria eta lurrak erosita, lurra "espekulaziotik eta artifizializaziotik" babestu nahi dute, lehen sektorea eta elikadura sistema "indartzeko".