San Tomas eguna etzi izango bada ere, Udaberri jubilatuen elkarteak ostiralera arteko egitaraua prestatu du. Hori horrela, orotariko jarduerak egiten ari dira atzotik: jokoak, saio gastronomikoak eta zozketak. Zehazki, museko, seiko urreko, tuteko, ping-pongeko, tokako, igeleko, dardoetako eta billarreko txapelketak antolatu dituzte ostirala bitartean egiteko. Sari banaketa ostiralean bertan egingo dute, 11:00etan.
Horrez gain, Intxaursaltsa prestatzeko ikastaroa egingo dute gaur 17:30ean Gran Camping Zarautz jatetxeko Jaime Egaña sukaldariarekin Udaberriko sukaldean eta sagardoa eta gaztainak banatuko dituzte bihar 18:30etik 19:30era, Udaberrin, era berean. Bitartean Gabonetako kantak abestuko dituzte, gainera. San Tomas egunean, berriz, Udaberriko Gabonetako saskia zozkatuko dute, 11:00etan.