Athleticeko ikur eta, oro har, euskal futbolaren eredu izan da Jose Angel Iribar atezain ohia. Hain da handia bere figura, non talde zuri-gorriak zarauztarraren omenezko eskultura jarri duela San Mames zelaiaren oinetan; Poza Lizentziatuaren kalearekin bat egiten duen zabalgunean dago, Luis Briñas kalearen ondoan. Joan den larunbatean inauguratu zuten, partida aurretik, eta Iribarrek esker hitzak baino ez zituen izan.
Bestalde, Athleticeko j0kalari mitikoari buruzko dokumentala estreinatuko dute bihar Primeran plataforman. Aurten, 80 urte bete ditu zarauztarrak, eta bere erretratu intimo eta sentitua egitearekin batera, hezur-haragizko pertsonarengan sakonduko du Iribar, atezaina ikus-entzunezkoak.