Dibertsitate funtzionala duten haurrek inauguratuko dute aurten ere Aritzbatalde kiroldegiko Gabonetako haur parkea; izan ere, haientzat soilik zabalduko dute gaur, 16:30etik 19:00etara. Bihar eta etzi, aldiz, 12 urtetik beherako haur guztiek izango dute parkean jolasteko aukera 11:00etatik 13:30era eta 16:30etik 19:00etara. Sarrera doakoa izango da egun guztietan.
Antolatzaileek zehaztu dute, halaber, aurreko urteetan bezalaxe, bi jolastokitan banatuta egongo dela parkea adinaren arabera: Pilotalekua 8 era 12 urte bitarteko haurrentzako gunea izango da eta eskubaloiko kantxa zapi urtetik beherakoentzako gunea. Bi eremuetan puzgarriak eta orotariko jolasak aurkituko dituzte aurrek.
