Hiru Errege Magoen postaria herriko txikienekin egongo da bihar arratsaldean, 17:00etatik aurrera. Erregeentzako haurrek idatzitako gutunak jasoko ditu, eta hitzordua Lege Zaharren enparantzan den arren, baliteke azkenean Gaztelekuan elkartu behar izatea, biharko euria emanda dagoelako.
Errege Magoen Desfilea, berriz, etzi izango da, ostiralean, 18:30ean hasita. Herriko hainbat kale zeharkatuko dituzte erregeek eta haien laguntzaileek.
