Zarauzko Udalbatzak joan den ostegunean egin zuen urteko lehen ohiko osoko bilkura, udaletxeko pleno aretoan. Bertan, dirulaguntzak izan zituzten hizpide eta, horien artean, Zarauzko Udalak 2024 eta 2027 bitartean izango duen dirulaguntzen plan estrategikoa onartu zuten.
Horretaz gain, besteak beste, gazteria, kirol edo kultura departamentutako dirulaguntzak emateko oinarri espezifikoen ordenantzak izan zituzten mintzagai.