Atzo banatu zituzten 35. aldiko Argia sariak Usurbilen (Gipuzkoa), eta Amagoia Gurrutxagak jaso zuen sarietako bat. Zarautzen bizi den azpeitiarrak gidatzen duen Ez gatoz Paristik podcastari eman diote aurten entzunezko Argia saria, eta Gurrutxagak eta Harkaitz Canok jaso zuten saria. Kristina Berasain Berriako kazetaria, Bizkarsoro filma, Gordegia.eus artxibategi grafikoa eta Guggenheim Urdaibai Stop plataforma ere saritu dituzte.
Lanartea euskararen langile profesionalen elkartearen lana da Ez gatoz Paristik podcasta, eta Azpeitiko Dinamoa sormen gunean grabatzen dute, Kulturaz kooperatibarekin elkarlanean. Elkartearen helburuen ildotik, euskararen langileen kezkak gizarteratzeko tresna da saritutako podcasta. Gurrutxaga berak azaldu zituen atzo, saria jaso ondoren, Lanartearen eta Ez gatoz Paristik-en nondik norakoak, eta bideo honetan jaso ditu Argiak: