Gaur arratsaldean izango da ZarautzOn elkarteak antolatutako Bihotzaren erritmoan dantzan hitzaldia. Hain zuzen, Modelon eskainiko dute, 19:30ean hasita, eta bertan bihotzaren elektrofisiologiari buruz jardungo dute.
Arlo hori, zehazki, bihotzaren elektrizitatearen inguruan aritzen den kardiologiako atala da, eta horretan sakonduko dute gaurko hitzaldian: arritmiak zergatik gertatzen diren, zein arritmia mota dauden, erabiltzen diren tratamenduak... Larraitz Gaztañaga kardiologo elorriarra izango da hizlaria. Gaztañaga EHUko irakasle da 2012tik, eta gai honetan doktore 2017tik.