Martxoaren 8a iristeko hiru aste falta dira, eta Zarautzen, beste urteetan bezala, taldean erabakiko dute zer ekitaldi egin Emakumeen Nazioarteko Egunaren harira. Hala, batzar irekia antolatu du Zarauzko Koordinadora Feministak ostiral honetarako.
Bilera Emakumeen Etxean izango da, 18:00etan, eta antolatzaileek herriko emakume guztiak animatu dituzte bertan parte hartzera, "ideak batu, lanak banatu eta sare feminista elikatu eta indartzeko".
