Gipuzkoako baso-jabeentzat batzar informatiboa egingo du BSTK Basotik Fundazioak Azkoitian bihar, osteguna, 19:00etan Zubiaurre Elkargunean. Batzar informatiboak helburu garbi bat izango du: "Baso-jabeei zaintza jasangarriko zerbitzu bat eskainiz herri ikuspegi batetik, alderdi ekonomikoez haratago, ingurumen eta iraunkortasun irizpideak kontuan hartuko dituena". Hain justu, fundazioak baso-jabeei aukera emango die haien baso eremuen titularitatea mantenduz, basoen zaintza eta kudeaketa bere esku uzteko, "ordain ekonomiko baten truke".
Batzarrei dagokienez, ordubetekoak izango dira, eta Basotik Fundazioko arduradun eta teknikariak izango dira hizlariak. Era horretan, nabarmendu dute interesdunek informazioa "bertatik bertara" eskuratzeko aukera izango dutela, eta baita "edozein zalantza argitzekoa" ere. Donostian egingo den hitzordua jarraian:
- Donostia: martxoaren 26an, asteartea, 19:00etan, Gipuzkoako Foru Aldundian.