Zortzi hilabete eta gero, larunbat honetan jarriko dute martxan Zarautz eta Zumaia bitarteko tren zerbitzua. Tarte horretan, bidaiariek autobusez egin behar izan dute bidaia zati hori, eta behin-behineko tren geltokiaren inguruan hainbat aldaketa egin behar izan zituen Zarauzko Udalak. Tren zerbitzua bere onera itzulita, 25 aparkaleku berreskuratu dituzte orain Lapurdi kalean; orain artean, autobus geltoki modura erabili du ETSk.