Atzo jokatu zen Aiako frontoian Gipuzkoako Harri Txikien txapelketa. Lau harri-jasotzailek hartu zuten parte, guztiak ere zarauztarrak: Mikel Lopetegi Urra, Xabat Olaizola, Iraitz Arruti eta Hodei Iruregoiena Izeta IV. Horiek hiru harri jaso behar izan zituzten –kopa, kubikoa eta bola–.
Jasoaldietan kilo gehien jaso zituenak irabazi zuen; Urrak, hain zuzen ere. Seigarren urtez jarraian jantzi du txapela. Zarauztarrak garaipena eskuratu zuen 36 aldiz kopa jasota, kubikoa 23 aldiz eta bola 27 bider. Bigarren postuan amaitu zuen proba Xabat Olaizolak. 27 jasoaldi egin zituen koparekin, 19 eta 25 aldiz altxatu zituen, kubikoa eta bola, hurrenez hurren. Iraitz Arrutik hirugarren amaitu zuen txapelketa, 27 (kopa), 18 (kubikoa) eta 20 (bola). Hodei Iruretagoiena izan zen laugarren. 25 bider jaso zuen kopa, kubikoa 18 alditan eta 20 bider bola.
Argazkiak: Miriam Sarasola