Lege Berria kolektiboak antolatuta, musika emanaldi berezia izango da bihar iluntzean Hiruputzu gaztetxean, La URSS, S'Aferra Aferra eta Paloma de Casso taldeen eskutik, eta ondorengoko DJ saioarekin. Jaialdiari 21:30ean emango diote hasiera, eta 04:00 aldera luzatuko da. Sarrerak 6 euro balioko du.
Granadako taldea La URSS, eta autosuntsipen eta agonia existentziala punk amorratuz jorratzen du. Bilbotik dator S'Aferra Aferra elektronika eta musika tresnak uztarturiko proposamenarekin. Paloma De Cassok, berriz, soinu industrialak, ilunak eta malenkoniatsuak deskargatzen ditu post-punk erritmoan.