Pagoeta Mendizale Elkarteak Zarauzko Beteranoen XXI. Ibilaldia antolatu du maiatzaren 5erako. Aurten, Urbasako paraje ederrera egingo dute irteera, eta bi ibilaldi prestatu dituzte. Lehena, lau kilometro inguruko joan-etorria, 100 metroko desnibelarekin, eta edonork parte hartzeko modukoa. Bigarrena, berriz, 8 kilometro inguruko joan-etorria da eta 250 metroko desnibela du.
Izena Pagoeta Mendizale Elkartearen egoitzan eman behar da, apirilaren 17an eta 18an, 18:30etik 20:00etara. Autobus bidaiak 10 euro balio du, eta bazkariak, berriz, 30 euro. Hamaiketakoa norberak eraman beharko du. Irteera, ohi bezala, 08:30ean izango da Agoueseko biribilgunetik, eta iritsiera Iñurritzako autobus-geltokian.