Pagoeta Mendizale Elkarteak Mediterraneoaren magalean bizikletaz: Lleida-Atenas-Zarautz emanaldi berezia eskainiko du bihar arratsaldean, 19:00etatik aurrera, elkartearen egoitzan. Hain justu ere, Pagoetako kide Miren Karmele Urangak eta Antton Gurrutxagak 2023ko apirilaren hasieratik uztailaren erdialdera Mediterraneoaren iparraldetik egindako bizikleta-bidaia du kontagai.
Hainbat herrialde zeharkatu zituzten–Okzitania, Italia, Albania, Montenegro eta Grezia, esaterako–; oro har, ondare natural, historiko eta kultural handiko inguruetatik. Guztira, 97 etapatan osatu zuten bidaia, eta 6.300 kilometro osatu zituzten.