Gipuzkoako Trainerillen Ligako hirugarren jardunaldia jokatu dute gaur eguerdian Getarian, Antxoa Egunaren harira. Zarautz Arraun Elkarteak hiru ontzi uretaratu ditu, bat kadete neskena, eta bi senior gizonezkoena. Horietako bat kopan lehiatu da, eta bestea, ligan.
Lan gogorra egin dute hiru ontziek: gizonezko seniorren kopako ontzia bigarren izan da, eta ligakoa, berriz, seigarren. Neska kadeteak laugarren izan dira; gainera, aurreneko lau taldeak soilik sei segundoko tartean helmugaratu dira.
Liga hurrengo astean amaituko da, Orion. Larunbatean izango dira estropadak, eta hurrengo egunean, igandean, berriro Getarian izango dira lehiak, baina horiek txapelketako finalak izango dira.