Aurrera doa Gela kultur hedapenerako programaren aurtengo egitaraua, eta biharko ere prestatu dute saio bat Photomuseumen. Aste honetan, hain zuzen, Ingmar Bergman (1918-2007) zinemagile suediarra izango dute hizpide. "Zinemaren historiako klasiko handienetako batzuk filmatu zituen" Bergmanek, eta besteak beste, bere lanen artean ezagunak dira Marrubi basatiak (1957), Zazpigarren zigilua (1957), Isiltasuna (1963), Pertsona (1968) edota Oihuak eta xuxurlak (1972).
Trailerra: https://www.youtube.com/watch?v=1lMv89uz4wA
Xanti Iruretagoienak bere estudioan ateratako argazkiekin osatu dute Foto Xanti bilduma, eta argazkilariak urte luzez bildutako hainbat fotografia zahar ere jaso dituzte. Urriaren 1etik azaroaren 1era bitartean egongo da ikusgai Sanz Eneako erakusketa aretoan, 18:00etatik 20:00etara.