1988an egin zuten aurrenekoz Zarautzen munduko surf txapelketa. Ordutik hainbat aldaketa eta gorabehera izan du lehiaketak, baina hasiera hura gogoratu nahi dute, eta sustatzaileak omendu, tartean Pukas.
Horregatik, martxoaren 30ean, ostirala, Malekoian omenaldi herrikoia egingo da. 19:00etan da hitzordua, Beraza parean. Mikel Urigoitia surflariak aurkeztuko du ekitaldia, DJ Makalaren laguntzarekin.
Zarauzko Udalak herritar guztiak eta bereziki surflariak eta zaleak animatu ditu omenaldi herrikoira bertaratzera.
Omenaldia Pro Zarautz surf txapelketaren bezperan izango da ia-ia, handik bost egunera hasiko baita QS/1.500 mailako munduko surf txapelketa Zarauzko hondartzan.