Aritzbatalde ondoko kantxa eraikitzeko hitzarmena sinatu dute Txurrukak eta Itxasok

Denis Itxaso eta Xabier Txurruka obren hitzarmena sinatzen. (Hitza)

Proiektuaren kostua 2.110.657 eurokoa da, eta Aldundiak 600.000 euro jarriko ditu. Obrak udazkenean hasiko direla aurreikusten da.

Zarauzko Udalak aurreko astean jakinarazi zuen Aritzbatalde kiroldegia handitzeko proiektua onartu berri duela. Kiroldegiko kantxa eta Zarauzko oinarrizko kirol ekipamenduak txiki geratu direla adierazi zuen, praktika maila altua dela eta. Azken urteotan, Lizardi institutuaren eta Aritzbatalde kiroldegiaren arteko patioa estaltzeko hainbat eskaera jaso ditu udalak. Honen harira, kirol ekipamenduen oinarrizko sarea hobetzeko erabakia hartu berri du.

Aritzbataldeko polikiroldegi ondoko kantxa estalia eraikitzeko lanak udazkenean hasiko dira. Obraren aurrekontua 2.110.657,77 eurokoa (BEZ barne) da, baina udala Gipuzkoako Foru Aldundiarekin adostasun batera iritsi da eta 600.000 euroko diru laguntza jasoko du. Gaur sinatu dute hitzarmena Xabier Txurruka Zarauzko alkateak eta Denis Itxaso Kultura eta Kiroleko Diputatuak, Zarauzko udaletxean.

Bai Udalak bai Aldundiak proiektu honen beharra azpimarratu dute. Kirol ekipamenduak eraiki eta hobetzeko lanak ez dira Zarautzen soilik izango; izan ere, Gipuzkoako Kirol Ekipamenduen Planak 55 udalerriri eragiten die. 53,8 milioi euroko inbertsioa egingo da guztira, eta Aldundiak, 10,6 milioi euroko laguntza eman du.

Erlazionatuak

Kirol pabiloi berria eraikiko dute Lizardi Institutuko patioan

Zarautz

Araututako bi pista eraikiko dituzte; bata estalia, pabiloiaren barruan, eta bestea, estali gabea, haren ondoan. Udazken honetan eraikitzeko laneki...
Hitza: Inma Saenz de Santamaria: “Oso pozik gaude, ea etorkizuneko proiektua den”

Erabiltzailearen aurpegia

“Nahikoa? Ez, ez da nahikoa, baina oso pozik gaude”, esan du Zarautz Eskubaloiko zuzendaritzako kideak, Lizardi eta Aritzbatalde artean...