Zarauzko Udalak 2018. urteko abuztuaren 10ean onartu zuen Zarata Mapa, "herriko zarata aztertu" ondoren. Orain, "pauso berriak" eman behar direla iritzita, "zarata horren eraginari aurre hartzeko neurriak" zehazteari ekingo dio.
Gaia lantzeko "herritarren eta gai horrekin zerikusia duten eragileen parte hartzea" "ezinbestekoa" dela adierazi du udalak. Beraz, bilera irekia antolatu dute datorren astearterako, otsailak 12. Etxezabalan (Kale Nagusia, 29) izango da, 18:30etik aurrera. Lehenengo batzar honekin emango diote hasiera "Zarauzko zaratari aurre hartzeko Ekintza Planari".
