Arraio irratiak 13 urte beteko ditu maiatzean, eta urteurrenaren harira prestatutako egitarauaren barruan, Ganbara berotzen bertso saioa antolatu du Bapateko Unibertsoa irratsaioak. Martxoaren 24an, igandea, izango da saioa, 17:00etan Putzuzulo Gaztetxean.
Sei bertsolarik parte hartuko dute: Uxue Alkortak, Iñigo Mantzizidor Mantxik, Markel Eizagirrek, Manu Goioganak, Ainhoa Agirreazaldegik eta Jokin Bergarak. Graxi Arregi arituko da gai jartzaile lanetan, eta 3 eurokoa izango da sarrera.
