Maiatzaren 26an, igandea, izango dira udal eta foru hauteskundeak. Zarauzko EH Bilduk otsailaren 2an jakinarazi zuen Itziar Murua izango dela koalizioak udal hauteskundeetara aurkeztuko duen alkategaia, eta aste honetan, hautes-zerrenda osoa argitaratu du. Muruaren arabera, "talde bikaina" du inguruan, "aurrera eraman nahi dugun proiektua eraginkortasunez garatzeko dohain guztiak dituen jendez osatua".
"Zarautz hobe bat posible dela sinetsita", Zarauzko EH Bilduk zerrenda osatzeko "pertsona prestatuak" elkartu dituela adierazi du, "esperientzia eta aurpegi berriak uztartzen dituen zerrenda batean". "Adin guztietako pertsonek osatzen dute zerrenda", "gazteetatik hasi eta jubilatu eta pentsiodunetaraino", gehitu dute lan-taldeari buruz.
Bestalde, koalizioaren proiektuak "herri mugimendu eta eragile ezberdinetan murgildutako pertsonak" bildu dituela azaldu dute EH Bilduko kideek: "zarauztarren beharrei erantzuten jakingo duen taldea da eta bakoitzak bere bizipen eta ezagutzatik herriari daukan onena emateko konpromisoa hartu du". "Inor ez da ikasita jaio, bideak eman digu esperientzia eta nortasuna. Eta bide hori elkarrekin egiten jarraitzeko prest gaude, gogotsu gaude eta prestatuta gaude. Herritarrei entzun, iritziak konpartitu eta arazoei aurrez aurre erantzuna bilatu nahi diegu", gaineratu dute. Murua zerrendaburuaren esanetan, EH Bilduk osatutako lan taldearekin, "hasierako ilusio eta gogo hura are ilusio eta lanerako gogo handiagoa bilakatu da".
Honako hau da Zarauzko EH Bilduk 2019. urteko udal hauteskundeetarako aurkeztu duen hautes-zerrenda:
- Itziar Murua Uria
- Ion Arozena Eizagirre
- Mikel Goenaga Gubia
- Ainara Landa Argote
- Begotxu Olaizola Elordi
- Jabi Etxaburu Elu
- Jexux Goikoetxea Balentziaga
- Eider Illarramendi Azkue
- Ainhize Larramendi Larrarte
- Aitor Korta Etxabe
- Leire Udabe Aizpurua
- Antonio Sanchez Murillo
- Edurne Epelde Pagola
- Eneko Arias Del Rio
- Goizane Arana Arexolaleiba
- Mattin Muniain Iribar
- Maixabel Ezenarro Errazkin
- Xabier Maiz Albeniz
- Naiara Carvajal Larrañaga
- Isaak Ostolaza Andreano
- Juan Luis Illarramendi Roteta
- Ane Arruti Lopetegi
- Agustin Silvan Gabilondo
- Karmele Alberdi Linazasoro
Koalizioak lan-taldea osatu duten herritar guztien deskribapen labur batekin kaleratu du zerrenda osoa. Hona hemen EH Bilduren zerrenda osoa eta azalpenak irakurgai.