Irailaren 16an hasiko da 11/13 auziko epaiketa; hots, euskal presoen babes taldeetako 47 kideren aurkako makroepaiketa. Auzipetuen artean dago Ainhoa Baglietto zarauztarra. Egoera horren aurrean, IrtenBidera dinamikako kideek Zarautzen, Arrano tabernan, batzar irekira deitu dituzte herritarrak biharko, 19:30etik aurrera.
Kasuaren inguruko informazioa herritarrei helarazteko webgune bat ere sortu dute; lotura honetan dago ikusgai.
Hain zuzen ere, hilaren hasieran iragarri zuten manifestazioa egingo dutela Bilbon, irailaren 14an; epaiketa baino bi egun lehenago.
