Irudietan: Bitik bi

Pasaiatik zuzenean udaletxera eraman dute asteburuan lortutako bigarren bandera Enbatako mutilek. Ongietorria egin diete dozenaka herritarrek bertan.

Atzo arratsaldeko eszena errepikatu da gaur eguerdian udaletxean. Gaur, ordea, aurretik bandera bat zegoen balkoian. Pasaian irabazitako bigarren bandera ere banan-banan astindu dute arraunlariek, eta Lege Zaharren enparantzatik begira eta txaloka zituzten dozenaka herritar, "Enbata, gure Enbata..." kantatuz.

Ezin zioten denboraldi hasierari gehiago eskatu Zarauzko arraunlariek. Bi estropadatik bi irabazita, KAE 1 ligako sailkapenaren lehen postuan daude oraingoz.

Erlazionatuak

Adegi bandera ere irabazi du Enbatak

Zarautz

Borobildu egin du denboraldiaren hasiera Enbatak. Asteburu berean bi bandera ekarri dituzte etxera.