Harrera beroa egin diete herritarrek Enbatako arraunlariei

Denboraldi bikaina ari dira egiten zarauztarrak. Seitik bost bandera etxeratu dituzte jada.

Harrera beroa jaso dute Enbatako arraunlariek aurtengo denboraldiko bosgarren bandera irabazi eta gero. Gaur goizeko 10:00etan jokatu dute Donostiako X. Kaiarriba  estropada  KAE 1 Ligako traineruek, eta Zarauzko Arraun Elkarteko Enbata ontzia nagusitu da, 20:19,43 denbora eginda. Atzetik jarraitu dio Getariak lau segundura eta hirugarren Deusto izan da 20:35,16 denborarekin.

Horrela, lidertzari eusten jarraitzen dute zarauztarrek sailkapen orokorrean 70 punturekin.