No-Land Trio, Sociedad Recreativa, DJ Maga Bo eta Ruper Ordorika. Musikari eta talde horiexek izan ziren atzo arratsalde-gau partean Zarautzen, kalean doako saioak eskaintzen. Igande iluntzera bitartean egingo da Adarretatik musika jaialdia, eta gorago aipatutako taldeen kontzertuak izan ziren aurreneko egunekoak.
Ordorikaren emanaldia, esaterako, 20:00etan izan zen, Frontoi Txikin, eta inguruak bete egin ziren bakarlari ezaguna entzuteko.
Gaurko hiru emanaldi antolatu dituzte: Joseba Irazoki eta Lagunak (20:00etatik aurrera Frontoi Txikin), Kumbia Boruka (22:30ean malekoian, Borghetto parean) eta Sr Lobezno DJ (21:00etan eta 00:00etan malekoian, Borghetto parean).
Bihar, berriz, flamenko jazz emanaldi batek itxiko du jaialdia: Antonio Linaza Trioren ikuskizuna izango da, 20:00etan, malekoian, Borghetto parean.