Gaur, abuztuak 1, Sahara Gara eguna ospatuko dute Zarautzen. Hala, Gipuzkoara uda pasatzera etorri diren Saharako haurrak elkartuko dira gaur; eguna elkarrekin pasatuko dute bertan, herria bisitatu eta elkar ezagutzeko.
Dena den, aldaketak izango dira Sahara Gararen barruan arratsalderako antolatutako egitarauan. Eguraldi txarra dela-eta, ez dira puzgarriak izango Lege Zaharren Enparantzan. 18:30ean dantzaldia eskainiko du Dantzatekek, baina Lege Zaharren Enparantzatik Modelo aretora lekualdatu dute.