Duela aste batzuk, atontzen ari diren Emakumeen* Etxearen logotipo lehiaketa jarri zuen martxan udaleko Parekidetasun Sailak. Dagoeneko aukeratu dute etxearen ikurra izango den logotipoa. Guztira, 83 proposamen aurkeztu dituzte lehiaketara eta, horien artean, Leire Vallejo Marquezen lana izan da hautatua. Vallejok 800 euroko saria eskuratuko du, eta Emakumeen* Etxearen sustapenerako erabiliko dute berak diseinatutako irudia.