Sansebastianei jarraipena emanez, bertso afaria egingo dute gaur Urteta auzoko elkartean. 21:00etan hasiko da afaria eta, afalostean, Iker Zubeldia eta Aitor Mendiluze ariko dira bertsotan. Ondoren, Aratz Olaizola eta Maria Lasa trikitilariek girotuko dute gaua, ordu txikiak arte.
Bihar, larunbatean, mus txapelketa azkarra jokatuko dute elkartean, urteroko moduan, 16:00etatik aurrera. Bikoteko 20 euro kostako da izen-ematea. Gauean, 23:00etan hasita, Blue Beans eta Fan&go taldeen kontzertuak izango dira frontoian eta, jarraian, JAM DJa ariko da musika jartzen auzo elkartean.
Autobusak Zarauztik
Zarauztik Urtetara joateko eta itzultzeko autobus zerbitzu bereziak egongo dira festak direla eta. Igotzeko, ondorengo orduetan egongo dira autobusak:
- Maxi Eroski supermerkatuan: 22:00, 22:40, 23:30 eta 00:30ean.
- Kiroldegian: 22:02, 22:42, 23:32 eta 00:32ean.
- Agoueseko biribulgunean: 22:05, 22:45, 22:35 eta 00:35ean.
- Lanpardo kalean: 22:06, 22:46, 23:36 eta 00:36ean.
- Bentan: 22:08, 22:48, 23:38 eta 00:38ean.
