Konfinamendu egoeran herritarren jarduera fisikoa bultzatzeko asmoz, Urolako Komunikazio Taldeak, Zarauzko Udalarekin elkarlanean, adinekoei eta helduei zuzendutako bideo bidezko kirol saioak eskaintzen hasi ziren orain aste batzuk. Bertan, Aritzbatalde kiroldegiko begiraleek hainbat ariketa proposatzen dituzte. Adinekoenak 11:00etan eta 18:00etan botatzen dira Erlon; helduenak, aldiz, 11:30ean eta 18:30ean.
Bideo horien arrakasta ikusita, gaurtik aurrera, etxeko gazteenei zuzendutako bideoak eskainiko dituzte Erlok eta Zarauzko Hitzak, Udalarekin elkarlanean. Saioak 10:30ean eta 17:30ean botako dira egunero Erlon, eta Leire Arana Kirol Zinegotziak azadu duenez, "spinning, zumba edo total training saioak eskainiko dituzte, besteak beste, begiraleek".
