Nekane Murga Osasun sailburuak astelehenean aurreratu zituen aisialdiari eragingo dioten neurri murriztaileak, eta gaur sartu dira indarrean Euskal Herriko Agintaritzaren Aldizkarian argitaratu ondoren. Neurriok Arabako, Bizkaiko eta Gipuzkoako udalerri guztiei eragingo diete, baina agerraldiak izan dituzten hainbat herrik aurrez ezarritako neurri are zorrotzagoak bete beharko dituzte aurrerantzean ere, kontrakorik adierazi arte. Herri horien artean da Zarautz, Eibar eta Ermuarekin batera.
Neurri berriak Araba, Bizkaian eta Gipuzkoan
Honako neurri hauek iragarri zituen Murga sailburuak pasa den astelehenean. Dagoeneko indarrean dira.
- Taberna, jatetxe, diskoteka eta elkarte gastronomiko guztiak 01:30erako itxi behar dira, eta ezingo dira 06:00 baino lehen ireki.
- Pilaketak ekiditeko, diskoteken aforoa %60ra murriztu da. Dantzalekuak ezin dira erabili; eserita egon behar da.
- Gauerditik aurrera, ezin da kalean eta zutik kontsumitu; terrazan eseri behar da.
- 100 lagun baino gehiago biltzen diren lekuetan (sagardotegiak, ezkontzak, ...) aforoa %80ra murriztu da.
- Hilbeiletan eta hiletetan ezin dira 60 pertsona baino gehiago elkartu.