-1-
Ezer ez dakizun gaiaz ere
arbuiaketa jarduna
Ezjakintasun maila gorena
horrekin lortzen duzuna
-2-
Orokorrean mina izanik
denboraz sendatzen dena
Kontu izan mingainez egina
dela sendatzen zailena
-3-
Inoiz errudun izaten ez den
pertsonak hau du jarrera
Zerbait egin behar den uneetan
Beti urrats bat atzera!!
-4-
Dena eduki zain ez ba egon
bizitza hau osatzeko
Eskura izanikan bizitza
dena duzu gozatzeko
-5-
Pertsona batek txanponen antza
izateaz ez harritu
Balio eskasekoa noski
eta bi aurpegi ditu
-6-
Diru mordoa gastatzen dugu
arropa erosketetan
Astiune batera murriztuz
gozamena gehienetan
-7-
Konparaketa egin ondoren
Beste aukera bat dago
Arropa gabe goza daitezke
astiuneak gehiago
-8-
Nik negar egiteko zioa
oinetakorikan eza
Oinik gabeko haur bat ikusi
ta joan zitzaidan estresa
-9-
Gaizkile baten boterepean
babesa hartuz gero
Itxurak izango dira baina
zorionik ez espero
-10-
Gaizkile batez ez ba fidatu
mesede bategaitikan
Jarrera ez baitu aldatuko
mantenduaz gogotikan
-11-
Kanpotik sentitzen dugun mina
oso latza izango da
Baina barrenetik sortzen dena
larriago da, gogora!!