"Udaberri eta Iñurritza jubilatuen elkarteen egungo errealitatea ezagutzea" eta "etorkizunerako nahi den kudeaketa ereduari buruz hausnartzea" dira Bidea Eraikitzen parte hartze prozesuaren helburu nagusiak. Otsailean bi elkarteetako 1.900 bazkideei bidali zizkieten eskutitzak Zarauzko Udalak eta Udaberriko eta Iñurritzako zuzendaritzek, zenbait galdera-erantzun oinarri hartuta, haien iritziak jaso ahal izateko. Dena den, bihar, asteartea, izango da galdetegiak bete eta entregatzeko azken eguna.
Inkestak betetzean, ondoko lau puntuetara eraman ditzakete bazkideek: Herritarren Arreta Zerbitzua (Kale Nagusia, 29), Turismo Bulegoa, Gizarte Zerbitzuak (Udaberri elkartearen aurrean) edo Aritzbatalde kiroldegia.