Atzo hil zen Iñaki Osa, emakume baserritarraren erraldoia urte luzez astindu zuen gizona, 55 urte zituela. Zarauzko erraldoi guztiek egiten dute dantza ugari kalejiretan, baina erraza zen Osak zeramana nor zen antzematen, bira gehien berak egiten zituelako.
2016an, 50 urterekin dantzarazi zuen erraldoia azken aldiz Osak Haurren Euskal Jai egunean, eta bere ibilbidearen errepasoa egin zuen HITZAri emandako elkarrizketa honetan. Urte hartan, omenaldi beroa egin zioten lagunek.
Goiztarrak taldearen sortzaileetako bat izan zen Osa, eta urtero atera ohi zen Euskal Jai egunean mikeletez jantzita. Bera ibiltzen zen suziriak botatzen. Maitatua zen herrian Osa, eta horren erakusle dira sare sozialetan hainbat erabiltzailek elkarbanatu dituzten mezuak:
????Gaur pertsona handi bat joan zaigu.
— Zarautz Rugby Taldea (@zarautzrugby) August 15, 2021
Pertsona maitatua Zarautz eta baita errugbi taldean ere.
Goian bego Iñaki. Besarkada bat familia eta lagunei.
“Hoan tokira hoala, alaitu ezak hura hau alaitu duan bezala” pic.twitter.com/ETPVQ26bzf
Hala adierazi du Xabier Txurruka alkateak, goiko bideoarekin batera: "Agur Iñaki Osa, gure erraldoi bihurria".