08:00etan, txistulariek kalejira egingo dute Zarautzen, eta 08:30ean Guria tabernaren parean jarri dute hitzordua mendira igotzen hasteko. 11:30ean meza izango da Pagoetako gurutzearen ondoan eta, jarraian, erromeria.
Pagoeta Mendizale Elkartekoek barra jarriko dute bertaratzen direnentzat, eta salda, txorizo egosia eta sagardoa hartu ahalko dira. Gomendatu dute edalontzia norberak eramatea etxetik.
Tradizio handiko eguna da Pagoetakoa Zarautzen. 2020an berreskuratutako bideo honetan ikus daiteke nola inguratzen zuen jendetzak gurutzea mezaren unean, 1979ko Pagoeta Egunean.