Etxeko taldea animatzeko gogoz, ZAEren elastiko eta bandera ugari ikusi dira. Baina ez dira bakarrak izan. Hondarribiak zaletu multzo polita eraman du, baita Ondarroak ere. San Pedro, San Juan, Deustu, Telmo Deun, Castro, Orio... Kolore festa polita nahastu da, bat eginda, baina bakoitzak berea defendatuz.
Kataloxak eskuetan, traineruak ongi bistaratzeko, eta sakelako telefonoari begira, denborak tarteak kontrolatzeko. Bozgorailu handi batekin oihuka zebilen zaletu bat ere agertu da.
Arratsaldean errituala errepikatuko da, baina Euskotren eta Eusko Label ligetako taldeen jarraitzaileentzat. Izan ere, arrauneko giroak berezko xarma hori du.
