Zarauzko haur parkeak berritzeko udalak uda ostean abiatu zituen lanak martxan dira berriro ere. 2022a amaitu bitartean zortzi parke berritu zituzten eta prozesua amaitzeko geratzen diren bostei ekin diete, orain. Azken Kaleko eta Duke Eneako haur parkeetan hasi dituzte lanak, aste honetan bertan, eta Zelai Ondo, Kani Berri eta Urdaneta kalekoekin jarraituko dute ondoren.
Azken bost parke horiek berritzeko 257.603,88 euro bideratuko ditu udalak Iban San Martin Obra eta Zerbitzuen zinegotziak zehaztu duenez, udaberrirako amaituko dituzte. Gainera, San Martinek aurreratu du aurrera begira "herriko beste hainbat parkeren berrikuntzak sustatzeko" lanean ari direla.