Gaur eman diete hasiera Santa Marina jaiei ofizialki, eta haurrei zuzenduriko egitarau oparoa izango da egun osoan zehar.
Erraldoien laguntzaz kalejira egin dute eguerdian Santa Marina kalera, eta behin txupinazoa botata, txistu eta danbor doinuekin jarraitu dute dantzan bertaratutakoek. Arratsaldean ere izango dute zer gozatua: moto karrera, entzierro txikia, ipuin kontaketa eta txokolate jana egingo dituzte.