Santa Klara eguna ospatzen ari dira gaur Azken Portun, Aritzbatalden eta Santa Klaran, SKAPAko jaietan. Egitarau zabala dute aukeran goizean hasi eta gaueko ordu txikietara arte, baina eguerdian Azken Portuko txaranga izan da nagusi auzoan.
Kuadrilla handia elkartu da askotariko instrumentuak soinean hartuta, eta orga batean umeek probatzeko instrumentuak ere eraman dituzte, txikienen gozamenerako. Hainbat herritar elkartu zaio txarangari abestiak kantatzeko pronto, eta erraldoi txikiak ere txarangarekin batera ibili dira kalejiran.