2023a amaitzeko lau egunen faltan jokatu zuten dozenaka kirolarik Golfeko II. Hickory Open Txapelketa Zarauzko golf zelaian. Hickory modalitatearen ezaugarria da golf jokalariek duela ehun urte erabiltzen ziren makilekin aritu behar dutela golfean, eta orduko arauekin. Xehetasunak ondo baino hobeto eman zizkieten hedabide honi Jon Izulain eta Ion Ander Corral golf jokalari zarauztarrek txapelketaren aurretik, eta orain, antolatzaileek txapelketaren argazki bilduma osatu dute.
Abenduaren 27an izan zen txapelketa Zarauzko Real Golf Klubean. Zeru urdinarekin eta giro paregabean jokatu zuten golfean Euskal Herritik zein kanpotik etorritako emakume zein gizonek.
(Argazkiak: antolatzaileek utzitakoak)