Zarauzko Udalak azaroan zabaldu zuen Salberdingo 139 etxebizitza tasatuen zozketan parte hartzeko izena emateko epea, eta orain, onartuen eta ez onartuen behin-behineko zerrendak argitaratu ditu. Hala, gaur hasita –urtarrilak 19– hamar eguneko epea egongo da erreklamazioak aurkezteko, otsailaren 1era arte; hori izango da azken eguna.
Erreklamazioa idatziz egin beharko da Etxebizitza Bulegoan, "bakoitzaren arrazoiak oinarritzeko egokitzat jotzen diren dokumentu frogagarriekin batera", udalak azaldu duenez. Salegi kaleko 14. zenbakian dago bulego hori, Zinema pilotalekuaren parean.
Salberdin eremuan guztira babestutako 557 etxebizitza egingo dituzte, eta horietatik 154 alokairu sozialekoak izango dira –azken horiek aurrerago egingo dituzte–.
Erregimen bereziko 94 etxebizitza tasatuen zerrendak
- Onartuak. Hau da onartuen behin-behineko zerrenda
- Ez onartuak. Hau da baztertuen behin-behineko zerrenda
Erregimen orokorreko 45 etxebizitza tasatuen zerrendak
- Onartuak. Hau da onartuen behin-behineko zerrenda
- Ez onartuak. Hau da baztertuen behin-behineko zerrenda