Sagardo Eguna ospatu zuten atzo eguerdian Lege Zaharren Enparantzan, eta jan-edanaz gozatzeaz gain, herritarrek aukera izan zuten herrian oso ezagunak eta maitatuak diren bikote bat omentzeko: Kirkilla jatetxeko Romero Ameztoi eta Iñaki Olazabal Paxo.
Zurekin elkarteak egin zien omenaldia, urtero herriko ostalariren bati egiten baitio aitortza, eta oraingoan Kirkillakoak izan ziren protagonista; 40 urteren ondoren, iaz hartu zuten erretiroa, lekukoa semeei emanda. Hain zuzen, bikotearen hiru semeak atera ziren plazara gurasoei aurreskua dantzatzera. Hemen dago ikusgai argazki bilduma.
Omenaldiaren amaieran, pozik ziren senar-emazteak, ondoko bideoan ikus daitekeenez.