Danda gaztea asanbladak aurrera jarraitzen du joan den urtarrilean abiatutako Udalaren oztopoak borrokatu, Zarauzko gazteok antolatu dinamikarekin, eta, bide horretan, bertso poteoa egin zuten larunbatean. Amets Aizpurua bertsolari getariarra eta Jakes Etxeberria zarauztarra aritu ziren kantuan eta arratsalde atsegina pasatu zuten haiengana gerturatu zirenek.
Horrez gain, sinadurak biltzen ere aritu ziren gazteak barren plazan udalari zuzendu dizkioten "exijentziak" lortzeko ahaleginean. Datozen asteetan ere ariko dira lan horretan eta gogoratu dute honako hauek direla eskaera nagusiak: Festetarako dirulaguntzan handitzea eta ordutegi eta soinu mugei jarritako mugak bertan behera uztea, espazio publikoaren erabilerarako burokraziarekin eta baimenak lortzeko zailtasunekin amaitzea, eta, propaganda politikoa egiteko aukerak bermatzea eta udalak bere "jarrera autoritarioan" atzera egitea.
Hauek dia Udalai exijitze dizkioun eskaerak independienteki antolatze geanon baldintzak bermatzeko.
— Danda Gazte Asanblada (@DandaZarautz) April 19, 2024
Honekin batea firma bilketa bat jarri deu martxan udalangana jun ahal izateko. Eman zuen izena hurrengo link-ian ta lagundu borroka honekin segitzen!!!https://t.co/DRIigbtltr pic.twitter.com/j6rcB14AtF
