Tarteka Jazz elkartearen eskutik, gaur arratsaldean (urtarrilaren 28an) Ander Aranburu musikariaren piano emanaldia izango da Marina Txikin; saioa 18:30ean hasiko da. Otsailaren 8an, berriz, Rikardo Arregiren errezitaldia antolatu dute: idazlearen poemak entzuteko parada izango da, eta tarteka berak hautaturiko Morrisseyren kantak entzutekoa.
Asteartean inauguratu zuten Ikusteko moduak. John Berger gogoan erakusketa berria Zarauzko Argazki eta Zinema Museoan. Bertan, Gorka Salmeron, Angel Ispizua, Jose Ronco, Jesus Zabalza, Roberto Botija eta Moncho Trullosen argazkiak bildu dituzte.
Judith Gago diseinatzaile eta argazkilari zarauztarrak erakusketa zabalduko du urtarrilaren 11ean, ostegunean, Lukas ardotegian. Habit-Arte. Garuna, gorputza eta espazioa du izena argazki bildumak eta otsailaren 22ra arte egongo da ikusgai.