Ostirala, ekainak 25

18:00

Eric Rohmer aztergai

Maurice Henri Joseph Schérer, Eric Rohmer ezizenaz ezaguna, kazetari, eleberrigile, gidoigile eta irakasle frantsesa izan zen. Intelektual garrantzitsua gerraosteko Frantzian garatu zen Nouvelle Vague (Uhin berria) zinema-mugimenduan. Gainera, Cahiers du Cinéma zinema-aldizkari ospetsuaren editorea ere izan zen. Photomuseumen berari eskainiko dio ostiral honetako saioa, Gela programaren barruan; 18:00etan hasiko da, eta doako sarrera izango du.

19:15

Operacion Camaron

14:00

Sanpelaioak: Dandaren egitaraua

Aurten, "modu desberdinean" izan bada ere, sanpelaioetarako egitarau berezia prestatu du Danda Gazte Asanbladak. Putzuzulon izango dira ekimen guztiak. Hilaren 25ean herri bazkaria egingo dute gaztetxean, 14:00etan. Horren ostean, 17:00etan hasita, Bermuda Kolektiboko DJ zarauztar gazteek girotuko dute Putzuzulo. Hurrengo egunean, beste bi kontzertu izango dira. 18:00etan, Putzuzulo doinu dantzagarriz beteko du Txiltxoko bikote oiartzuarrak. 19:00etan, aldiz, Lukiek taldeak astinduko ditu hormak; rock alternatiboa lantzen du. Osasun-neurriak beteko direla eta sanpelaioetako ekimenetako edukiera mugatuta egongo dela azaldu dute Dandako kideek. Hilaren 24an jarriko dituzte salgai sarrerak. Putzuzulon erosi beharko dira tiketak, 16:00etatik aurrera.