Uztailaren 27, 28, 29 eta 30ean izango da Hatortxu Rock musika jaialdia, Lakuntzan (Nafarroa). Urtero legez, makina bat taldek hartuko dute parte euskal presoen eskubideen aldeko elkartasun jaialdian, tartean, Zarauzko hainbatek. Occhi di Farfalla, Estricalla eta Anestesiak, kasu. Oreka TX taldea ere bertan izango da; partaideetako bat, Mikel Ugarte, Zarauzko bizilaguna da.
Sarrerak salgai daude dagoeneko, Bibe atarian. Oraindik ere talde gehiago batuko direla aurreikusi dute antolatzaileek. Informazio osoa jaialdiaren atarian aurki daiteke.
