Ez zen Martxoaren 8an amaitu Emakume Langilearen Egunaren bueltan herriko eragileek antolatutako egitaraua. Zarauzko Koordinadora Feministak antolatuta, hitzordu berezia izango da gaur arratsaldean Putzuzulo gaztetxean: zaintza lanak sostengatzen dituzten hiru emakume migrantek beren bizipenak azalduko dituzte. Hain zuzen, Katia Reimberg, Candida Rivas Mendoza eta Lilian Elizabeth Torres ariko dira hizlari lanetan; 17:00etan hasiko da solasaldia. Hiruretako baten istorioa gertuagotik ezagutzeko aukera izan zuen Zarauzko Hitzak, Martxoaren 8aren harira egindako erreportaje honetan.
Martxoaren amaierara bitartean beste hainbat ekitaldi ere izango dira, koordinadora feministak nahiz udaleko Parekidetasun departamenduak antolatuta. Hemen klikatuta daude guztiak ikusgai.