Saio bakarreko formakuntza saioa izango da, "erabat praktikoa". Helburua da "ekintzaileek eta enpresari txikiei salmenta-prozesuak hobetzeko estrategia eta tresnak eskaintzea", "fokua komunikazioan jarrita". Mankomunitatearen egoitza nagusian egingo dute tailerra, Zarautzen.
Etxeetan, enpresetan eta elkarteetan energia "modu eraginkorrean erabiliz eta erosotasunik galdu gabe" energia eta dirua aurrezteko gomendioak azalduko dituzten tailerra antolatu dute Foru Aldundiak eta Zarauzko Udalak elkarlanean.
Bihar arratsaldean irekiko dute erakusketa eta azaroaren 3a bitartean egongo da zabalik, 18:00etatik 20:00etara.
Frederic Gutierrez Barde artista donostiarraren margolanak jarri dituzte erakusgai Zarauzko Torre Luzea aretoan. Egunero egongo da zabalik, 18:00etatik 20:00etara, azaroaren 3ra arte.
Aldi baterako erakusketa berria zabaldu dute Photomuseumen. Euskal erbestea Gerra Zibilaren ondoren izenburua darama, eta Gogora Memoriaren, Bizikidetzaren eta Giza Eskubideen Institutuak ekoitzitako proposamena da, zeinean garaiko testigantza grafikoa jasotzen den. Erakusketa atzo ireki zuten eta azaroaren 24a bitartean izango da ikusgai ohiko ordutegian.