Martxotik gaur arte, ez dio une batez ere herritarren kezka iturri izateari utzi koronabirusak, baina, asteon berriro hartu ditu egunkarietako lerroburuak. Atal berezi honetan koronabirusak zein hura hedatzea ekiditeko neurriek zuzenean erasandako herritarren testigantzak bilduko ditugu.
Mikel Elortza: "Botere gehiegikerietarako aitzakia bat izan daiteke larrialdi egoera, oinarri juridikoa duen aitzakia perfektua"
urr 30 Gizartea
Ezustean edo ez hain ezustean sartu dira indarrean aurtengo bigarren alarma egoera eta, osasunaren izenean, horren eskutik etorri diren neurri murriztaile berriak. Eskumenen, ahalmenen nahiz etor daitekeenaren inguruko nahasmenaren erdian zabaldu zaigu, parez pare, agertoki berri bat. Irizpide sanitarioek alderik alde gurutzatutako begiradaz harago, ordea, bizi dugun egoerak baditu beste hamaika ertz. Mikel Elortza abokatu zarauztarrarekin hitz egiteko aukera izan du ZARAUZKO HITZAk, "legearen eta boterearen erabileraren inguruko hainbat gogoetari" bide emateko.
